Mkg nung scholarship indang angazükshiba sentong ka akatsü

Mokokchung, July 29 (TYO): Department of School Education Kohima-i ayongzüka kaket rijutem atema scholarship dak sentakba nung ‘district level sensitization program for institution on implemenatation of scholarship scheme’ ta sür angazükshiba sentong ka Govt. Hr. Sec. School Mayangnokcha auditorium nung 5th August, 2019 nü anepdang 10:00 ako nungi tenzüka akatsü, ta Mokokchung District Education Officer (DEO), Sademmongla-i sangdong ka ajanga metetdaktsü.
Iba sentong nung Mokokchung district kübok aliba Government aser Private school-tem nungi tesayur kaka shirnoki scholarship maparen inyaker, mesüra online working system angazüka lir, itemji yokang, ta laisa metetdaktsüogo.