Mkg nung Science Exhibition sentong agi

Dimapur, Mongputeni/Oct. 29 (TYO): “Science and technology for Sustainable Development” omen nung ajemdaker October 29 nü EBRC Hall, Mokokchung yimtsüng nung District Level Science Exhibition 2019 sentong ayongzüka agiogo.
Iba Science Exhibition sentong nung Queen Mary Higher Secondary School (QMHSS), Senayangba Higher Secondary School (SHSS) aser Mayangnokcha Govt. Higher Secondary School (MGHSS) nungi shilem agia liasü.
District Education Officer, Mokokchung, Sademmongla-i lokti pelaa agizükba o jembi aser GHS Mokokchung Village-i ken ka aten. Maneni sentong nung Imkongwapang, ADC, DMA, Samagra Shiksha, Mokokchung-i tepela o jembi. Iba sentong ya Project Assistant, DMA, Samagra Shiksha, Mokokchung, Temjensangla lenisüba kübok agi. Iba tetoktepba ya telok aser jurila jenjang balala lemsar agiogo, ta ketdangser sangdong ajanga metetdaktsü.