Mkg nung Sep 6-8 Inter-school football tournament ayongzüka lir

Mokokchung, Luroi/Aug 24 (TYO): Mokokchung District Football Association (MDFA)-i taküm agi kümnabuba Mokokchung District Inter-School Football Tournament Rongjui/Sept. 6 nungi 8 tashi yangi Imkongmeren Sports Complex Mokokchung nung ayongzüka lir.
Iba tournament ya knock out yimya nung asayatsü aser Rongjui 6 nüji anepdang 8:00 ako nungi tenzüka asayatsü, ta MDFA osang ajanga metetdaktsü.
Iba asayamung ya District Education Office Mokokchung akhüm nung aser Nehru Yuva Kendra Mokokchung-i Co-sponsored süa MDFA-ia ayongzüker.
Iba dak sendakba nung registration form-ji 3 Kit Photo House (AM. Road) nung angutsü aser form agütsütsü asoshi tatembang anogoji Rongjui/Sept. 1, 2018 asütsü.
Iba asayamung nung Mokokchung district kübok aliba school ajak shilem agitsü asoshi pelashishia jaoker, ta MDFA-isa metetdaktsü. Iba sangdong dak alaka school shia dangi jurila osang magütsütsü, ta parnokisa shisem.
Osang tejangja metetnürtemi MDFA tournament secretary (9862636365) mesüra general secretary (8787535824) den tongteprateptsü akok.