Mkg nung State Level Agogya Fair 2017 tenzükogo

Dimapur, December 12 (TYO): December 12, 2017 nü Assam Rifles Ground Mokokchung nung State Level Agogya Fair 2017 tenzükogo.
Tanü Health & Family Welfare commissioner & secretary, R Ramakrishnan-i state-level fair lapoktsü.
Iba fair ya Ministry of AYUSH, Government of India-i teyari agüja National AYUSH Mission, Nagaland State AYUSH Mission Society yaritepa ayongzüker aser December 16 nü tembangtsü.
Agogya Fair ya AYUSH mozütem ajanga tashi agütsüba aser teyari agütsüba metetdaktsütsü atema ayongzüka agir. Iba nung Ayurveda, Yoga& Naturopathy, Unani, Siddha aser Homoeopathy dena lir.
Anogo pezünü sentong nung AYUSH Doctor temi angati health check-up asütsü aser mozütem angati agütsüba den yoga ia sayutsü. Iba sentong nungsa AYUSH Medicinal Plants & Medicine sayutsü.
AYUSH ya tasen masü kechiyong iba ya alemli mapang nungi India nung benshia aruba inyakyim ka lir. AYUSH Ministry tenzükba ajanga mozü aketba süngolio ajak metetogo aser züluokogo, ta Ramakrishnan-i tanü o jembidang ashi.
AYUSH Ministry teyari ajanga Nagaland nunga AYUSH integrated Hospital lapokogo aser PHC o CHC nung AYUSH Doctor tem lir, ta paisa ashi.
Paisa Mokokchung nung alirtem dang AYUSH inyakyim angazüktsü aser ajungkettsü atema ayongzük.
Iba sentong nung CMO Mokokchung Dr S Akaba, Dr Moamongla, Dr Seyiekrietuo John state Nodal Officer NAM aser Ministry of AYUSH nungi Central Observer Mohan Roy nungertemia o jembi.