Mkg nung Students Science Seminar sentong agiogo

Mokokchung, Aug 27 (TYO): Directorate nungi tetuyuba aruba ama, ‘Students Science Seminar’ ta sür sentong ka “Industrial Revolution (IR) 4.0: Are we prepared?” onük nung ajemdaker September 13, 2018 nü anepdang 10:30 ako nungi tenzüka Mayangnokcha Govt. Hr. Sec. School Mokokchung nung akatsü, ta District Education Officer Mokokchung, Talingangla-i sangdong ka ajanga metetdaktsüogo.
Anungji, iba sentong nungji shilem agitsü asoshi Mokokchung district nung aliba school-tem (Govt & Private) nungi tokolakpuri pei school nungi class 8 nungi class 10 azünger ka (1) shimer yoktsü tetuyuba agütsür, ta laisa metetdaktsü.
Yangi shilem agir rongnung tajungtiba/tajungtila shimer State Level atema yoktsü aser iba state level sentongji 21st September, 2018 nü Kohima yimtiba nung akatsü. Shilem agirtemi CD (power point) mesüra Paper Chart ana rongnung mashi ka renema atatsü asoshi kasa sangdong nungsa metetdaktsü.
Iba seminar dak sentakba nung shilem agitsüpur tenüngtemji DEO office nung September 7, 2018 tashi nung mesüra matongdang agüjang, ta DEO-isa metetdaktsü.