Mkg. nung Swachh Bharat Mission (SBM) senden agi

Dimapur, October 9 (TYO) : Bodbarnü Longkumer Kilem nung Swachh Bharat Mission (SBM), Mokokchung züngsemtem senden ka agi.
Iba senden nung mendenji SBM Mokokchung chairman, M.Bendangnukshi Longkumer liasü aser Mokokchung o Mon atema SBM Brand Ambassador, S. Supongmeren Jamir aden.
SBM Mokokchung züngsemtemi jila nung ‘Swachh’ maparen inyakbaji tiptema aser amalitep lia inyaktsüla aser iba mapatong inyakba nung nübortem dak apet mapatem inyaktsü junger ta tebilembatem lemsatep.
Senden nungsa Ao Senden dang Mokokchung district kübok aliba yimtsüngtem, compounds, blocks aser jila ajak nung anogo ka shimteter künü lokti nübodoka merükmeju mapa inyaktsü mepishitsü telemtetba agi.
Senden nungsa IEC (information, education, communication) dak sendakba mapa inyaktsü aser IEC kübok ‘Mokokchung town 125 years’ mapa inyakba nung yariteptsü telemtetba agi.
Senden tembangba sülen Brand Ambassador-i Mokokchung deputy commissioner aser Mokokchung nung PHED aser Urban Development department nung tongti ketdangsertem den ajurutepa SBM indang onük sensaksem.