Mkg nung tesayurtem nem mental health training agutsü

Mokokchung, March 09 (TYO): March 9, 2017 nü IDSP, conference hall, IMDH Mokokchung District mental health programme kübok tesayurtem nem anogo ka training agutsüogo, aser iba sentong nung shisalen sayurtemji Nodal Officer DMHP, Dr. Temsuyanger aser Msc.Psychiatric (Nurse), Kr. Akumjungla na liasü.
Iba sentong tenzüka Medical superintendent IMDH, Dr. Medem-i tesayurtem ajungshia jembia liasü.
Dr. Temsuyanger-i tesayurtem dang, lokti nung, talisa yimtsüngtem nung tesangwa sayurtem tesayurtem lir, anungji pei aliba tesem nung ‘mental health’ agi timtemer kaketshirtem dang masü saka ajak reprangteta tekaraba nung teyari agia anepalutsü atema ajungshitsüla, ta metetdaktsü.
Paisa mental illness ajanga shirangertem aser parnok kinüngertemi ajangshiba timtem balala indang metetdaktsü.
Mental health agi shirangba tapu balala indang benoka shilem agirtem aser shisalen sayurtem shisa lemsatepa liasü.