Mkg nung training agia machineries alem

Mokokchung, June 19 (TYO): June 19, 2019 nü District Agriculture Officer (DAO) Mokokchung-i training den farm machineries alemba sentong ka agiogo, ta ketdangsertem osang ka ajanga metetdaktsü.
Iba sentong nung tetushi tejaoker o jembidang ADC Mokokchung, W. Manpai Phom-i department-i aluyimertem atema asalentong balala yanglua inyakba atema department dang pelaba metetdaktsü.
Paisa machineries angurtem dang, department nükjidong ataloktsü atema item osetji junga anepalua amshitsüla, ta ashi.
Nungsangkaba DAO-i iba scheme indang tongmelang agi metetdaktsü. Iba sentong ya Maongsangla, SMS leniba nung agia liasü.