Mkg nung tzüngluruwa mongpu atema senden amen

Mokokchung, Rongjui/April 26 (TYO): Mokokchung Deputy Commissioner, Rajesh Soundararajan-i April 25, 2019 nü senden ka ayongzüka tzüngluruwa mongpu atema terenemshiba aser state tesem ajungalen nübodoka mapa inyaktsü aliba atema o lemtepogo, ta tanü ketdangsertem osang ka ajanga metetdaktsü.
Senden nung sorkar department balala nungi ketdangsertem dang tzüngluruwa mongpu nung alima tzü-mopung lendong balala atema renema alitsü metetdaktsü.
May 4, 2019 nü state tesem ajaklen nübodoka mapa inyaktsü aliba dak sendakba nung Deputy Commissioner-i Department balala nung tekolakpurtem dang peipei office aser temeket merüktettsü metetdaktsü, iba dak alia ketdangsertem dang Mokokchung jila nung nübodoka mapa inyaktsü atema kanga tongtibang tesemtem jangjatsü tetuyuba agütsü, ta kasa osang ajanga metetdaktsü.