Mkg nung ‘World consumer Rights Day’ amung

Dimapur, March 15 (TYO) : Mokokchung nung Higher Secondary School pezü nung March 15, 2016 nü ‘World consumer Rights Day’ amung.
Iba sentong ya “Antibiotic off the menu” omen nung ajemdaker agi. Alima nung yi ayokba anendaktsütsü aser international restaurant chains nung antibiotics amshiba ajanga nisungtem temang anema alibaren nung timtem ajurur ta osang prokshitsü atema iba omen nung ajemdaker sentongji agi.
School pezüprongla nung Consumers Forum tenteta lir aser Assistant Controller Legal Metrology & Consumer office-i teyari agüja sentongji ayongzük.
Mayangnokcha Government Higher Secondary School nung Principal Arenla-i, consumer nem parnok temeten meteta lidaktsütsü atema mapa talila inyaktsü ayongzük.
MGHSS Post Graduate Teacher, Sevolu Ringa-i omen nung ajemdaker o jembidang chiyungtsü nung antibiotics amshiba anema lokti consumers’ movement nung shilem agitsü ayongzük.