Dimapur, November 29 (TYO) : Alima ajunga den külemi Mokokchung District nunga December 3, 2016 nü World Disability Day 2016 amongtsu.
Iba sentong nung Mokokchung Deputy Commissioner, Sushil Kumar Patel IAS tongti tesemdanger asütsü aser ABAM Executive Secretary, Rev. Dr. Mar Atsongchanger-i PwDs/CwDs atema sarasademtsütsü.
Iba den yimten lennir aser Arogo tenzüker, matamabensar tsürabur, matamabensar tanur aser taintem den külemi Mokokchung Municipal Council Conference Hall nung anepdang 10:00 ako nungi sentong tenzüktsü, ta Care and Support Society Managing Director, Imchawati Kichu-i sangdong ka nung metetdaktsür.
You must be logged in to post a comment Login