Mkg nung World Population Control Fortnight akatsü

Mokokchung, July 12 (TYO): Medical Dept-i Mokokchung nung July 11 nungi July 24 nü tashi World Population Control Fortnight akatsü; Iba sentong nükjidong ya linük nung nütsüng tali arenba azüoktsü atema lir.
DPO RCH & UIP, Mkg, Dr. Temsuyanger-i ashiba agi, department-i district Hospital Mokokchung den senteper achaayanga angati tubal ligation service aser iba service agirtem nem incentive sen 600 agütsütsü atama maparen renemogo.
Iba sentong kübok nungsa community Health Centres (CHCs) aser primary Health Centres (PHCs) nung angati Copper T insertion sütsütsü.
Ano Sub-Centres aser ASHAs densema anasatiba aliba Health Centres nung angati treatment, tetsürtem Pregnancy test, birth control pills aser condoms agütsütsü.