Mkg nung World population Day among

Mkg, July 11 (TYO): Mokokchung nung World population Day anogomong den July 11 nungi July 24, 2019 tashi Population Stabilization Fortnight tenzükba sentong tanü IDSP Conference Hall, IMDH Mkg nung agiogo, ta ketdangsertem osang ka ajanga metetdaktsü.
Tanü iba sentong ya “Take responsibility towards Family planning- prepare for the wellbeing of mother & child” omen nung agi.
DPMU, Mkg-i sangdong ka ajanga ashiba agi, iba sentong nung tongti tejaoker, Assistant Commissioner, Rohit Singh IAS-i, World Population day amongba ya alima nung nütsüng tali arenba tebilemtsü metetdaktsütsü aser soyapokyaba health indang metetdaktsütsü atema lir, ta ashi.
Paisa, nütsüng arenba tebilemtsü onük nung family planning, tetsür-tebur kasa züngshiba, anojungi kibong akümba, meimchir temeden aser tanurtem temeden densema lir, anungji nütsüng azüokba jenjang angatettsüji kanga tongtibang, ta metetdaktsü.
Okila jembidang Dr Kibangkumba Dy. CMO-i, nütsüng arenba tebilemtsü onüktem nübur nem angatetdaktsütsü aser nütsüng azüoktettsü atema world population day amonger, ta ashi.
Sentong mendenbuba Dr Ayangla Saku DPO (UIP & RCH)-i world population day aser stabilization fortnight indang osang tongmelang agi metetaktsü aser Chaplin IMDH, Nchumthung Humtsoe-i sarasadema sentong tembanga liasü.