Mkg nung yi case 259 raksaa indok

Mokokchung, July 03 (TYO): Mokokchung Police Station II nung ozüngi memelaba tesemsepba chiyungtsü koba pudena liasü, iba dak sentakba keno (Case NO/0005/17) nung Mokokchung Principal District & Session Judge Wb. K. Kuza-i tuyuba ama destruction committee mendenbuba R. Daniel Angami EAC-i anir committee züngsemtemi July 3, 2017 Hombarnep court kima yi aika raksaa indokogo.
Raksaa indokba nungji Indian Made Foreign Liquor (IMFL) M.C Rum case 233, O.C Blue Whisky case 9 aser can beer case 17 liasü, ta Police osang ajanga metetdaktsü. Nagaland nung temesepba chiyungtsü meyanglutsü, shibelena mayoktsü aser mamshitsü asoshi state sorkari Nagaland Liquor Total Prohibition Act yanglua liakasa, Naga lima tesem aika nung iba amai yi talubusa amshiba osang angazüker.