Mkg Press Club picnic kaogo

Mkg, Feb. 25 (TYO): Mokokchung Press Club (MPC) züngsem kibongtem aser tembartem Honibarnü Longjang nung aliba Menüng ayong nung telongjem sentong ka kaogo, ta tanü MPC sangdong ka ajanga metetdaktsü.
MPC ya 2008 küm tentet aser state nung club tesülen tenteter rongnung lir, ajisüaka state nung kanga yakyaka inyaker press rongnung dena lir.
Iba telongjem sentong ya picnic yimya nung südoksünema, züngsemtem aser tembartem tsüngda shisa lemsatepa aser fourth estate ka ama lokti tajungtiba agi tenzüktsü lenmangtem lemsatepa among.
Tang MPC nung osangkaket balala aser audio-visual houses balala nungi züngsem 15 lir aser MPC Tir o General secretary naji Limalenden Longkumer aser Sashimeren Jamir na lir.