Mkg Range indang Forest Range Office tasen semzük

Mokokchung, June 18 (TYO): Tawa tasen yangluba Forest Range Office, Mokokchung Range June 18, 2019 nü Mokokchung DC, Rajesh Soundaranjan (IAS)-i semzüktsüogo, ta ketdangsertem osang ka ajanga metetdaktsü.
Iba sentong nung Divisional Forest Officer, T. Aochuba, IFS den Dept. staff tem dena liasü.
Range office ya Nagaland Forest Management Project kübok yanglu aser fund ji JICA-i agütsü. Range office semzükba sentong nung DC-i, Forest Department-i linük tesem ajaklen arem aser arem shiruru kümzüka aser wazüka ayuba atema tenüngsang agütsüba den külemi alima tatsükba akümba tebilemtsü onük nung Department teinyaktsü shilem nenshia metetdaktsü.
DFO-i tepela anküp o jembia sentong tembanga liasü.