Mkg: Skylark-i 1 buba Sashikokba Memorial T20 asayamong ayonger

Mokokchung, November 03 (TYO): Mokokchung nung tentetba Skylark Cricket Club-i 1 buba Sashikokba Memorial Twenty20 (T20) Cricket asayamong Mokokchung kübok Imkongmeren Sports Complex nung tan November ita 21-28 nü tashi asayatsü ayongogo.
Iba asayamong nung champions telok nem takok marok o kulikaket den sen 50,000 senpet; tanabuba jenjang angur telok nem kulikaket den sen 20,000 senpet aser semifinal asayatsü jenjang angur telok 2 prongla nem sen 5000 senpet agütsütsü renema lir.
Sashikokba nüngtem nung ayongba asayamong ya Mokokchung nung ayongba cricket asayamong tongtiba asütsü akok.
Iba asayamong den sentaktepba osangtsüsang tali jangjashitsü jangrartemi mobile no. 8259913115 ajanga tongteprateptsü akok.