Mkg: Tour Adventure Rally sentong takok ngua agiogo

Mokokchung kübok Imkongmeren Sports Complex nung Mokokchung DC & MDSC Tir, Sushil Kumar Patel IAS-i Tour Adventure Rally sentong tenzüktsüba noksa nung angur. (Mokokchung, December 14)

Mokokchung, December 14 (TYO): Mokokchung küm 25 tain akümba nüngtem nung Mokokchung District Sports Council (MDSC)-i acha ayanga, Tour Adventure Rally sentong Mokokchung jila nung takok ngua tanü, Bodbar nü agiogo.
Mokokchung kübok Imkongmeren Sports Complex nung Mokokchung Deputy Commissioner & MDSC Tir, Sushil Kumar Patel IAS-i rally tetoktepba sentongji tanep 8:00 ako nung tenzüktsüba sülen rally nung shilem agir tetokteper ajungai iba tesem nungi Mopungchuket yimtsüng ajanga lur Milak ayong apu anasa, Khar yimtsüng lushi ayongküm ka nung atenshia, yangji tetoktepba sentong tapu balala agia liasü.
Tetoktepba tapu 5 kübok Time Speed Distance shilem nung Maongkaba Jamir o Lipokzenla na champions aküm aser Anga Shuya o Longwe nati 2 buba aser Kima Jamir o Lensa Imsong nati 3 buba jenjang ajangzüka liasü.
Tanabua tetoktepba, Moto Cross nung L. Limaaküm Kichu, Imnalemba aser Tianungshi nungeri 1 buba, 2 buba aser 3 buba jenjang angu.
Well Bike Balancing & Slowest Rider tetoktepba nung Rizuner, Imkongwati Longchar aser Imnalemba nungeri temaba jenjang 3 ngutet.
Pezübuba, Auto Cross (SUV) tetoktepba nung Lanusunep, Kima aser Allong Nokdir nungeri 1 buba, 2 buba aser 3 buba jenjang ajangzük.
Tatembuba, 5 buba tetoktepba, Auto Cross (Cars) nung Anga, Aotemjen aser Mongro Imchen nungeri temaba jenjang 3 angu.
Tetoktepba 5 nung takok angur dak alaka, Allong & Purtola Jamir na Best Couple; Mr & Mrs Maong-i Family Participant aser Bendangwati Veteran Participant shima liasü.
Tanü takoker ajunga nem senpet sen den kulikaket agütsü.