Mkg Town Longsa senso pur Tsüngremmong benjong among

Mokokchung, August 1 (TYO): Mokokchung Town Longsa Senso Telungjem (MTLST)-i ayongzüka MTLST kimen Wb. I. Imliyanger Jamir kidang Tsüngremmong sentong tajung ka ayongzüka mongogo.
Iba sentong nung Dobashi Wb. Lanutemshi-i Tsüngremmong ratet jembidang, alemli Chungliyimti lima tembar ana; Tsüngremsang aser Merangsang na, Tena rongnung Tsüngremsang denbo Merangsangi alu mapa temerangba inyak saka alu arudangbo Tsüngremsangi teimbasa aru, ta ashi.
Anungji, Merangsangi pa temba Tsüngremsang dang iba miim tasa indangji asüngdang, idangji, Tsüngremsangi pa dang külemkija aser amongtsümong shitak amungtsü ashi, aji oda, Merangsangia among shitak monga arunung pa nema kasa moatsü nung, iba mapang nungi Tsüngremmongji mongyonga aru, ta tsüraburtemi jembia aruba o ka Dobashi-isa metetdaktsü. Paisa Tsüngremmong monga aruba lipok otsü den ken dena tatongi rasaa ashi.
Iba sentong nung tsürabur Wb. Lanuwatii tsürabur yimya nung omasangken kar aten. MTLST tenzükertem aser union tantsü tambutemia Tsüngremmong ken ka ajanga shilem agia longsotepa liasü.