Mkg-Tuli Transmission line raksa

Dimapur, February 6 (TYO): February 6, 2019 nü Mokokchung nung 66KV Mokokchung-Tuli Transmission line nung conductor tokdangba ajanga Mon aser Longleng den Mokokchung district kübok Changtongya aser Tuli nung power supply magütsütettsüsa timtem ka ajurua lir, ta SDO (Trans) Mokokchung Transmission Division-i metetdaktsü.
Department-i tekaratiba nung power supply agütsütsü atema mapa inyakdar anungji nübortemi koda masüba timtem aremzüka atatsü mepishir, ta SDO (Trans) MTD-isa ashi.