MKG: Yoddha Fighting Championship tembangogo

Imkong Jamir-i final asaya koka Mokokchung nung ayongba Yoddha Fighting Championship Featherweight champion akümba noksa nung angur. (Mokokchung, December 02)

Dimapur, December 02 (TYO): Kishan Gupta, Roshan aser Imkong Jamir nungeri Mokokchung nung tan Mongolbar aonung tembanga asayaba Yoddha Fighting Champion (YFC) Grand Prix Flyweight, Bantamweight aser Featherweight Division champion kümogo.
MFC-i ayongba asayamong ya Mixed Martial Arts (MMA) sapur nisung noklang aikati kanga dang tsüratema reprangogo.
Flyweight Division tetoktepa nung Aleto Nagi-i minute 2 ser second 11 nung Sashi Kant madak takok ngua Manipur nunger T. Guite minute 2 ser second 25 nung akoksang, Mumbai nung alir Kishan Gupta den final asayatsü jenjang angu.
Aleto-i final asaya nung kanga meranga shilem agi saka tatem nung Kishan-i temaba jenjang ngua iba shilem nung champion aküm.
Bantamweight Division shilem nung Gajendra Kharatmul-i minute 1 ser second 46 nung Uttar Pradesh nunger Rohit Punder madak takok angu aser Nagaland asayar, Hemavi Aye minute 2 ser second 24 nung akoksang, Delhi nung alir Roshan den final asayatsü jenjang ajangzük.
Ajisüaka, final asaya nung Roshan-i Gajendra madak takok ngua champion aküm.
Featherweight shilem nung Nagaland nungi Imkong Jamir-i Shantanu Pujari tsükdakja Satyajit Changmai madak takok angusang, Dipseh Rasal den final asayatsü lemzük.
Imkong-i tatembangba round tashi kanga junga shilem agiba yong pai Dipesh madak takok ngua champion akümtsü jenjang angu.
Tetoktepba shilem balala indang final asayaba jakdang Ritesh Paswan o Amartjeet na aser Amung Kongyak o C. Guite na tsüngda exhibition asaya asaya liasü.
Tan asayamong takok ngua ayongtsüsa par telok yarir ajunga dang pelaba olen ka tayonger, MFC-ia sangdong ka ajanga metetdaktsüogo.