MKG:Group ‘B’ & ‘C’ employee tasentem training tenzükogo

Dimapur, March 21 (TYO) : Mokokchung district kübok Group “B” & “C” Nagaland sorkar employee tasentem, parnok nisung 40 nem hopta ana ‘Induction Training Programme’ March 21, 2017 nü nungi tenzüka Commissioner’s Guest House, Mokokchung nung agütsüdar.
Iba training sentong ya Department of Personal & Training, Government of India-i sen teyari agüja District Administration, Mokokchung aser Administrative Training Institute (ATI), Kohima na lokteper ayongba lir.
Sorkar mapa nung tasen shimokertem nem nüburtemi aginüba ama ketdangsüdaktsütsü nükjidong nung group B & C employee tem nem iba training agütsürba lir.
Iba sentong nung training agütsürtemji ATI aser district nungi shimtetba ketdangsertem lir. Parnoki nükjidong atongtsü lenmangtem sayua, kijai bendanga agüja inyakba, employee tajung dak nüngdakba sempet, lokti acha ayangyim aser tebilemtsü kokteta telemtetba shitak agir nüburtem asoshi bilema inyaktsü asoshi tesayuba balala agütsütsü.
Iba den külemi ATI nungi training agütsürtemi ano pei service book, conditions of service, fixation of pay, Pension & NPS, Medical attendance rule, GPF, APAR, promotion aser Office procedure nung seniority & Secretariat Service Manual tsütsü tesayuba agütsütsü.
Deputy Commissioner, Mokokchung, Sushil Kumar Patel-i iba sentong lapoktsüdang District Administrative officers aser Head of offices tema dena liasü.
Sentong lapokja o jembiba mapang Patel-i, department balala nungi iba sentong nung adentsü nisung 200 shii tenüng agütsüba nungi nisung 40 shimteta mezüng training sentong ya agir, ta metetdaktsü.
Tang iba training nung adenertemi iba training sentong mezüngbuba nung adentsü maongka anguba ya nenok kanga tia taka ta bilema kanga nendaka angazüktsüla, ta pai par 40 ayongzük.
Pai, iba training sentong ajanga tang training agirtemi sorkar inyakyim nung temelenshi tulu bener arutsütsü imlar, ta shisem.
Sentong lapokdang Vetoka Yepthomi EAC (P) menden liasü aser ITP Mokokchung District atema Course Coordinator, Imlibenla Jamir iba sentong indang temetettsütem ashi.