MLA Azo-i sponsor süa Phek nungi lanur 20 training temogo

Dimapur, March 09 (TYO): MLA, Azo Nienu-i sponsor süa Phek District nungi lanur 20 Emporium Skills Training Institute, Dimapur nung training agia takok ngua tembangogo; parnok ajak ITC five star hotel company, The Oberoi Hotels & Resorts, IndiGo airline nung Cabin Crew ama mapa maongka nguogo, ta ketdangsertem osang ka ajanga metetdaktsü.
SpiceJet airline-i March 13, 2019 nü Emporium Skills Institute, Dimapur nung campus interview agitsü, aser iba dak sendakba nung MLA-i parnok ajak dang interview junga agutsütsü ayongzük.
Paisa training agirtem dang mapa balala inyaktsü atema state adener tangalen oa alidang medemer tamajung den memedemtsü tekümdangtsü metetdaktsü. “Asen lanurtem mapang ajak nung shisa kaa alitsüla aser Tsüngrem dak tamang akatsüla,” ta pai ashi.
Paisa, pai maneni nüburtem ajungshitsü aser state nung mapa manguba tebilemtsü nokdangtsü atema lenmang sayutsü merangtsü, ta ashi.