MLA Imti Chuba Chang-i Chang kin lungjema alitsü ayongzük

Dimapur, Tsüklai/February 16 (TYO): Noksen yimdak February 16, 2024 nü 79 buba Chang Khulei Setshang sentong aliba nung mejetteta semdanger ka ama MLA Imti Chuba Chang dena liasü.

Iba sentong nung pai jembidang terenlok asoshi Chang nungertem lungjemtsü ayongzüka liasü.

Pei nükjidong atongtsü asoshi elected members asem den yariteptsüla aser tarutsü jenjang tajungba kumdaktsütsü mechi technology terenlok den asen tangatetba lirumedema alitsüla ta ashi.

Kidanger den yimjung nung aliba aser putepa litetba atema Deputy Commissioner, Tuensang, Lithrongla Tongpi Rutsa-ia Chang kin nem tenüngsang agüja liasü.

Lai lenirtem dang sobaliba tajung wazüka ayutsü ajungshia liasü.

CWS tir Pongsu-i temang anema aliba, education aser district nung terenlok mapa balala indang jembi aser nüburtem dang amalitep akatsü ayongzüka liasü.

Iba sentong nung CKS tir Nungsanglemba Chang-i pela agizükba o jembi aser Yali Youth ajanga saya tajung ka agi shilem agia liasü.