MLA, T Torechu asüba atema NPF Minority Wing-i mangyimer

Kohima, December 16 (TYO): Minority Community aser züngsemtem ajak tenüng nung NPF Minority Wing Central President, Bishnu Bhattacharjee-i MLA, T Torechu ajungbena asüba atema par kibong züngsemtem den mangyim jashi lemsateper aser asür tanela tesünep nung anisüngzükdakjang ta sarasademtsür, ta Hombarnü General Secretary NPF Minority Wing, Central, Prem Meetei-i sangdong ka nung metetdaktsü.
Asür, Torechu ya kanga tashitait aser yimtenren nung takutet lenir ka liasü; pai inyakba mapa tajungtem atema NPF party workers aser Nagaland nung alirtemi pa teti bilemtettsü, ta kasa sangdong ajangasa metetdaktsü.