M&M-i oset abentsü & nisung amentsü electric gari sayaogo

New Delhi, October 6 (Agencies) : Brihostibarnü automobile company, Mahindra & Mahindra (M&M)-i linük nung tan mezüngsüa ex-showroom, Delhi jenjang nung sen lakh 8.45 aser 8.75 alanga mokozü madokba electric cargo aser passenger amenba gari, eSupro sayaogo. Iba jenjang ya state balala nung tax aser subsidy latetja aliba dak sasep nung temloker ayoktsü.
M&M-i online grocery retailer, Big Basket den lokteper mezüngbuba cargo gari 50 talir ket tongtsütsü lemtetogo.
“E-commerce grocery business inyakyim kübok retail market inyakyim melenshir. Item gari ya nüngdakba oset tajung rongnung ka asütsü onoki imlar,” ta M&M Tir aser chief executive (automotive) Pravin Shah-i ashi.
Brihostibarnü sayaba gari ana ya yimti ka nungi ka tashi oset bener aser nisung anir jajatsü. Charge sütetba lithium ion battery ajanga jajaba gari ana ya battery khen sünga charge asüba agi kilometre 112 jajatettsü. Gari ana ya anepalutsü atema tanga gari anepaluba dang nungi sen tesadang ka agi tajemba aotsü, ta company-i metetdaktsü.