MMC Administrator-i metetdaktsür

Dimapur, October 14 (TYO) : Mokokchung Municipal area nung advertisement boards/hoardings amala enoktsü atema company temi MMC dang nungi temelaba agitsüla, ta ADC & Administrator, Mokokchung Municipal Council (MMC), Bendanglila-i sangdong ka nung metetdaktsü.
Iba osang sangdongba anogo nungi tenzüker anogo 15 tsüngda permit magirtemi MMC ket nungi temelaba agitsü metetdaktsür. Aji mesüra anogo züngzüktsüba tembangba sülen MMC-i advertisement materials agientsü, ta Bendanglila-isa sangdong nung shia lir.
Ano, Mokokchung Municipal area telongtet nung dokan kibur aser shishilembartemi 40 micron tema aliba poly bags amshitsü tetuyuba agütsür aser iba tetuyuba sülen manidakertem ozüng tapet agi merenshitsü, ta ADC & Administrator, Mokokchung Municipal Council (MMC)-isa metetdaktsü.