MMC-i aonsotsü jenjang reprangshimogo

Dimapur, April 5 (TYO) : Mokokchung Municipal Council (MMC)-i jila nung aonsotsü jenjang reprangshimogo aser jenjang tasenba amshitsü tetuyuba agütsüogo.
Additional Deputy Commissioner and MMC Administrator, Bendanglila-i sangdong ka nung ashiba agi, alo seret nung sen 20, gobi seret nung sen 20 aser mersü tajem seret nung sen 40 agi ayoktsü, ta metetdaktsü.
January 2016 nung mersü tajem seret ka nung sen 45 liasü aser jenjang reprangshimba sülen sen 5 ajemogo. Ano, long beans, beans, ladies finger aser bitter gourd tem seret nung sen 50 yong ayoktsü, ta sangdong nungsa metetdaktsü.
MMC jenjang tasen latettsüba nung pingana seret nung sen 30 aser züngi seret nung sen 40 agi ayoktsü shia lir.