MMC-i nübur dang sangdonger

Mokokchung, Metsüremi 20 (TYO): Dog control Rules – 2017 nung ajemdaker ADC & Administrator, Mokokchung Municipal Council, W. Manpai Phom-i sangdong ka ajanga Mokokchung jila nung azü mesür kibur ajaki azü azüoktsü atema metetdaktsüogo.
Jila nung register masüba azü (Tag keta maliba azü) aika anüngdang aser aonung naprong lenmang nung nemzür, aser iba dak sendakba nung ward ketdangsertemi peipei ward nung aibelenertem ozüng nung aliba ama merenshitsü mepishia metetdaktsür, ta sangdong nung shia lir.
Ano külen customer kari shi ayokertem dang miima sen tali agutsür parnoki aginüba shi aliba osang angashir, aser iba ama yimya nung shi ayoktsüji memelar, anungji customer aser shi ayoker napronglai yamaji inyakba anentsü metetdaktsür; iba ozüng alema aibelenertem dang senchi achitsü, ta MMC sangdong nungsa shia lir.
Maneni ward balala nung tesem-tesem nung jana indokba pongdang yuja anepalur, anungji tezülen jana indoktsü memelar, aser iba atemaji ward ketdangsertemi tenzük zünga reprangdaktsüner, ta kasa sangdong ajanga metetdaktsü.