MMC & MCCI yimkong nübo adoktsü

Mkg. Oct. 005 (TYO) : Mokokchung nung October 7, 2016 nü Swachh Bharat Mission sentong ayongzüka amongtsü, anungji iba sentong nung dokan kiburtem aser business inyaker ajak shilem agidaktsüner ta Mokokchung Municipal Council aser Mokokchung Chamber of Commerce & Industries (MCCI) nati metetdaktsüogo.
Iba anepdang dokan kiburtem ajaki anepdang 6:00 nungi 8:00 akok tashi pei pei dokan kima merüktsüla ta MCC aser MCCI nati metetdaktsü.
Ano, loktii inyaktsüba tongtibang tesemtemjibo Sewak Gate area, Hospital (IMDH) parking lot area, MMC Shopping Complex premises, Police Point, Daily Vegetable Market (Old Town Hall) aser Salangtem New Market nungertem asütsü. Anungji, business inyakertem ajak medema arua item tesemtem merüka yutsüba nung külemi shilem agitsüla ta MCC aser MCCI nati metetdaktsü.