Mmhonlumo Kikon agizükba sentong ka agi

Kohima, Rongchii 18 (TYO): Rongchii (April) 17, 2018 nü Conference Hall, Science and Technology Complex, Kohima nung Department of Science and Technology-i ayongzüka NRE, IT & C, Science and Technology Advisor, Mmhonlumo Kikon agizükba den külemi tejak shiotepba sentong ka agiogo, ta ketdangsertem osang ka ajanga metetdaktsü.
Iba sentong nung ketdangsertem aser staff tem den jembidang Mmhonlumo Kikon-i, state nung benoka inyakba mapatong balala yangludang Department of Science and Technology-i tongtibang shilem ka agir, ta ashi.
Paisa bio technology hub-i mapa tajung inyakaba atema pelaba metetdaktsüba den külemi department dang market nung nijatem atema tayongzükba tulu asutsü asoshi projects balala benoktsü ayongzük.
Tawa Kohima Science College nung tembangba sentong, Nagaland Innovative Expo dak sendakba nung pai, item ama sentongtemji mapang shia agitsüla aser tasa balala sayatsü atema public nem sabang agutsütsüla, ta ashi.
Global Citizen Climate Pledge nung züngsem ka ama pai climate change atema inyaktsü ayongzükba den külemi Nagaland State Climate Change team dang national level, international level aser Conference of Parties (COPs) ama sabang nung o lemteptsü atema ajungshia liasü.
Paisa, tarutsü nung CM fund kübok award ka atema benoktsüa akok, ta shisem.
Sentong nung Commissioner & Secretary, Department of Science and Technology, Nagaland, Dellirose M.Sakhrie, IAS-i lokti pelaa agizük aser Senior Scientific Officer, Department of Science and Technology, Dr. Zavei Hiese-i department-i inyaka aruba osang metetdaktsü.
Sentong nungsa department dak sendakba onük aika benoka o lemtepa liasü.