Mmhonlumo Parl. Secretary nungi anentsür

Kohima, October 28 (TYO): Nagaland Chief Minister, T.R Zeliang-i BJP MLA, Mmhonlumo Kikon, Labour & Employment, Skill Development & Border Affairs Parliamentary Secretary menden nungi anentsüogo.
Hokolbar nikongtsütsü Chief Minister-i Mmhonlumo Parliamentary Secretary nungi anentsütsü telemtetba agi, ta State Cabinet Secretary, R B Thong-i sangdong ka nung metetdaktsü.
NPF-i aniba DAN sorkar nung alir kari ashiba agi, ministry nung züngokba sülen nungi Mmhonlumo-i DAN sorkar anema mapa inyak aser iba jagi pa anentsü.
Ano, BJP nunga pa züngsemba nung taitsü keta lir aser pa Parliamentary Secretary menden nungi anentsüba telemtetbaji State BJP lennirtem aser MLA tem den asüngdangya asüba sülen ang agiba lir, ta parnokisa ashi.
Osang ajangasa ashiba agi, Lotha Hoho-i state sorkar anema Oil & Natural Gas ken o benokba nunga Mmhonlumo-i Lotha Hoho pusema nungita arur.