MMRVCF-i amaliteptsü mepishir

Mokokchung, January 24 (TYO): Mokokchung to Mariani Roadside villagers concern forum (MMRVCF)-i National highway 702 D (Mkg- Mariani Road) lenmang nung ainlen senzürtem ajak dang tang lenmang teyanglushidak maparen nung amaliteptsü mepishir, ta tanü MMRVCF Co-convenor, Tiameren-i sangdong ka nung metetdaktsü.
Tang teyanglushidak lenmang nung construction machineries amshiba aser mapa inyakertem den amalitepba ajanga parnoki lenmang yanglushiba mapa tajungtiba agi inyakteta mapang shidak nung iba project tembangtsü atema amaliteptsü mepishir, ta sangdong nung shia lir.