MNF & MPC züngsemtem Congress nung aden

Aizawl, Mongputeni (October) 19 (Agencies): Mizoram Assembly elections agitsü lia MLA aikati Congress toktsür tanga teloktem nung adenba mapang Hokolbarnü MNF aser MPC nungi züngsem 200 dak temai Congress nung aden.
Aizawl West II Constituency kübok parnoki Congress nung züngsem aküm.
Aizawl West II Constituency nung All India Congress Committee (AICC) secretary, Bhupen Kumar Borah tsüngdang parnok Congress nung aniokba sentongji agi.
Mizoram nung taoba küm 10 tashi Congress-i sorkar yimsü süa arur aser parnoki November 28, 2018 nü assembly election atema renemer.
Mizoram National Front (MNF) aser Mizoram people’s Conference (MPC) züngsemtem Congress nung adenba atema AICC secretary Bora-i pa indang Twitter nung “Mizoram Congress nung lennir aika den Aizawl West Assembly Constituency indang Block level conference nung aden. Ni lia tanü MNF & MPC züngsem 200 dak tema Congress nung aden” ta metetdaktsü.
Assembly elections matongdang taoba Minister tem- Buddha Dhan Chakma aser R Lalzirliana na dena Congress MLA aikati telok toktsü.
October 15, 2018 nü taoba Home Minister R Lalzirliana-i opposition Mizo National Front (MNF) nung aden. Lalzirliana den külem taoba MLA Lalthanliana-ia MNF nung aden.
October 11, 2018 nü Congress-i assembly elections atema candidate shimba mezüng list saya aser iba nung tejak tasen 12 dena lir.