Moasenla-i Miss Mokokchung takok korang angu

Miss Mokokchung 2018, Moasenla (tiyongtsü)  den Bendangkokla (1st Runner up) aser Martola (2nd Runner up) nungertem Multi-purpose complex, Mokokchung nung külemi agiba noksa angur.

Dimapur, Yimpoksüi (November) 21 (TYO): Jubilee Memorial College nung 4th semester kaketshir Moasenla-i Miss Mokokchung 2018 takok korang nguogo.
Mokokchung Urban Shows and Episodes (MUSE)-i ‘Beyond Beauty’ omen nung ajemdaker November 20 nü agiba sentong nung lai takok korangji angu. Iba sentong nung Lambre, India-i teyari agüja nungit.
Multi-purpose Complex, Mokokchung nung agiba sentong nung Bendangkokla-i tanabuba aser Martola-i tasembuba jenjang takoktem angu.
Moasenla-i ‘positive impact of social media’ indang telangzüba tajungtem agütsüba ajanga tetendangertem aser tesentepertem mulung peladaktsü. Laisa Miss Vivacious aser Miss Beyond Beauty sub-title tem angu.
Maneni, Temsusangla-i Miss Congeniality, Temjenanro-i Miss Beautiful Skin, Lepentshu Peri-i Miss Photogenic, Martula-i Miss Inspiration, Bendangkokla-i Miss Perfect Ten aser Tiasenla-i Miss Netizen sub-title tem angu.
Sentong nung Chief Patron, C.L John, MLA, mejeta jaoker taoba Chief Secretary Banuo Z. Jamir aser Youth Net founder Hekani Jahkalu nungertemia o jembi.