Moasunep Kichu-i Best Education Programme of the Year takok angu

Dimapur, October 13 (TYO): Chungtia nunger Moasunep Kichu-i direct süa cinematograph asüba documentary ‘Not In Fine Feather’ ajanga CEC-UGC Educational Video Competition 2015-16 nung ‘Best Education Programme of the Year’ takok nguogo.
Pai Himachal Pradesh Angh, Acharya Dev Vrat ket nungi trophy ka den certificate of excellence aser senpet 50,000/- agizüka liasü.
CEC-UGC Educational Video Competition ya Himachal Pradesh University, Shimla nung October 5-6 anogotem nung agia liasü. National level competition nung shilem agitsü atema educational institutions, media production aser nija ajak nem lapokja liasü.