Moayimti Baptist Arogo-i pelar

Dimapur, October 30 (TYO) : Moayimti Baptist Arogo nung Tanüla asüngsashi sentong 23rd – 25th Oct 2015 tashi agi aser iba nung Tsüngrem lar Missionary Rev. I. Yanglu Imsong Dimapur aser Mr. T. Yanglu Jamir Pastor Dimapur ajanga amangbapur tanela nung ajungmesoa temoatsü tulu ngudaktsüogo, ta MBA Pastor Rev. S. Moa-i sangdong ka nung metetdaktsü.

Iba Revival nung tener tenangzükba agirtem ajak Tsüngremi moajangma. Talisa Tsüngrem lartem shirnoki tanela nung Moayimti arogo yariogo, nenok taküm aser wadang tali moajangma, ta sangdong nungsa shia lir.