Mobile phone ajanga tashiyim agi raksatsüba ataloker: Azam Khan

New Delhi, October 23 (Agencies): Tashiyim amshia raksatsüba dak sentakba nung tanü Senior Samajwadi Party (SP) lenir kati, tashiyim amshia taküm rasaktsübaji mobile phone ajanga lir, ta ashi.

Osangbenertem den jembidang SP lenir Azam Khan-i, “Arishi küm ana ser tesadang-a tashiyim amshia raksatsür, kechiba (?) Iba ya mobile phone ajanga lir. Yimtsüng nung alirtemia download süteter. Item mobile phone nung alibaji tanurtemia reprangteter. Tila tanurtema shilem agidaktsüba film tema lir. Item mobile phone nung alibatemji ajanga, ano küm agi matongdangyongi lanur aser tanurtem taküm raksatsür,” ta ashi.

“Iba asoshi ya kechi inyaka ali? Iba atema temerenshi kechi agütsü. Tashiyim amshia raksatsüba ajanga asen lokti menentsür,” ta paisa ashi.

You must be logged in to post a comment Login