Mobile phone auyaba atema nisung ka tepset

Guwahati, Rongjui/September 19 (Agencies): North Tripura kübok Kumarghat yimtsüng nung arishi küm 20 tain Kishan Debnath, mobile phone ka auyaba atema nisung telok kati tepset.
Police osang ajanga ashiba agi, asüsang Debnath-i Hombarnü mobile phone ka, headphone ka aser bicycle ka ta Dilip Das aser Sukesh Das’er kidang nungi auya.
Auyaba osang jangjaa akümba sülen Debnath ya Sukantapalli-i anir ao, kong pa dak kanga mejungi züka liasü.
Police temi Debnath kanga mejungi yirur mozükidang lir ta shiogo saka pa temang tamajungba küma süogo.
Iba ken o nung tongti shilem agir asütsü ta temulung melemi bilemba nisung ana; Dilip Das aser Sukesh Das na pua yua lir.