Model rongnung sen timba aazüklaji Gisele Bundchen

Mumbai, September 18 (Agencies) : 2015 küm alima nung sen timba aazükba model ji taoba supermodel Gisele Bundchen ta Forbes ajanga metetdaktsü.

Taoba mapang Victoria Secret’s angel Gisele-i runway nung shilem magii anisüngzüka 2015 küm lai $44 million aazük, ta aceshowbiz.com ajanga metetdaktsü.

Taküm agi küm 9 buba Bundchen-i mezüngbuba menden nungi masetshii dang takok nguogo aser lai maneni Chanel, Louis Vuitton aser Carolina Stuart Weitzman nunger atema contract agia lir, ta aceshowbiz.com-isa ashi.

Arishi küm 35 tain Bundchen-i Gisele Bundchen Intimates ta ser la indang lingerie label tenzüka lir.

Forbes tarensen nung Bundchen sülen tanabuba jenjang nung British model Cara Delevingne ($9 million) aser Adriana Lima ($9 million) külemi lir.

Victoria’s Secret Angels rongnungi tarensen nung adenertemji Doutzen Kroes ($7.5 million), Miranda Kerr ($5.5 million) aser Alessandra Ambrosio ($5 million) nungertem lir.

Sen timba aazükertem rongnung Karlie Kloss, Kate Moss aser Kendall Jenner nungertema densema lir.