Modi-Abe na Guwahati nung ajuruteptsü

Guwahati, November 26 (Agencies): Taruba ita Guwahati nung Prime Minister Narendra Modi aser Japan Prime Minister Shinzo Abe na ajurutepa senden amentsü.
Iba atema Assam state sorkari old deputy commissioner’s bungalow yanglushidar.
Prime Minister anati Brahmaputra nung river cruise ka aotsü sentong lir aser NSG telok kati Guwahati nung mock drill ka agidar.
Modi aser Abe nati Manipur yimtiba Imphal nung peace museum tasen semdangtsü sentong lir.
Küm ana tejakdang India aser Japan nati Act East Forum tenzükba kübok Centre-i Northeast nung temulung agütsür aser iba nung ajemdaker Guwahati nung tena ajurutepa senden amentsü shim.