Modi aser Sharif na Washington nung ajurutsü akok: Sartaj Aziz

New Delhi/Washington, March 12 (Agencies): Tan ita tatemlen Washington nung Nuclear Summit mapang Pakistan Ato kilonser, Nawaz Sharif-i India Ato kilonser, Narendra Modi ajurutsüa akok, ta tanü Pakistan tongti ketdangser kati ashi.
“Lenir anaji ajurutsüa akok,” ta Sharif atema Foreign Affairs adviser, Sartaj Aziz-i ashi.
“Tena yangi (Washington DC) alidang ajurutsüa akok. Tena tsüngda o jembitsü. Senden ayongzüktsü asü masü’ar ibajibo ni mejangja,” ta Aziz-isa ashi.
Tang Pakistan ketdangser Aziz ya 6buba US-Pakistan Strategic Dialogue nung adentsü atema Washington-i oa lir. Iba senden ya US secretary of state, John Kerry tena leniba nung agiogo.
US Tir, Barack Obama-i jaokba nung ajemdaker Sharif Nuclear Security Summit nung adentsü atema Washington-i aotsü, ta paisa ashi.
March 31 aser April 1 nü iba senden nung adentsü atema Ato kilonser Modi-a jaoka lir.