Modi aser Smriti Irani na lutsüsang Professor ka tepukdaki iogo

Bengaluru, June 21 (Agencies) : Ato Kilonser Narendra Modi aser Human Resource Development Minister Smriti Irani na luja jembisang, Mysore University nung professor ka pua tepuokdaki yokogo.
Journalism professor jagi tan ‘Lord Rama’ luja aser aija jembiba ajanga pua tepuokdaki yok.
Professor BP Mahesh Guru-i yaküm January ita nung senden ka akaba mapang ‘Lord Rama’ luja jembiba agi pa anema case ka benoka liasü.
Pa June 17, 2016 nü Bengaluru nung okadak iba ken o angadangtsü atema nokdak aser iba mapang pa police-i apu.
Hombarnü pai court dang mepishiba magizük.
Guru-i Ato Kilonser Modi aser Irani na luja jembiba atema ano Akhila Karnataka Dr Ambedkar Prachara Samiti-ia pa anema case ka benoka lir, ta Mongubarnü Hindustan Times osangkaket nung sangdongogo.
Osang ajanga ashiba agi, pai Irani ji actress rongnunga tamajungtiba ka lir aser la HRD kilonser inyaktsü temsüa mali ta ashi.
Mysore University-ia pa dak ozüngi melaba ama inyaktsü tebilemba lir.