Modi dak dang teimla lir: Mehbooba

New Delhi, May 06 (Agencies): Tanü Jammu & Kashmir Chief Minister, Mehbooba Mufti-i, Ato kilonser, Narendra Modi-i dang Kashmir tebilemtsü koktettsü, kechiyong nüburtemi pa nem tashi tulu agütsüogo, ta ashi.
Mufti-isa, Kashmir nung tensa majungba ya, tamalen NDA sorkar aser tebu, Mufti Mohmmad Sayeed nati benoka inyakba mapatong UPA sorkari meinyakba agi lir, ta aitsü.
“Nisung kari J&K tebilemtsü koktettsü süra, iba nisungbaji Ato kilonser, Narendra Modi lir,” ta lai ashi.
“Pa (Modi) nem nüburtemi tashi tulu agütsüogo. Pai kechi telemtetba agidir agiaka nüburtemi pa pusemtsü,” ta lai ashi. Tang J&K nung lar party aser BJP na telokt sorkar lir.
2015 küm December 25 nü Ato kilonseri Lahore (Pakistan) semdangba tenüngsanga lai, ibaji tashimait temaitsü ka masü saka tashitait temaitsü ka lir, ta ashi.
“Pa Lahore-i orr iba (Pakistan) Ato kilonser ajuru. Iba ya tashimait temaitsü ka masü saka tashitait temaitsü ka lir,” ta lai ashi.