Modi-i Germany, Spain aser Russia semdangtsü

New Delhi, May 17 (Agencies): May 29, 2017 nungi Prime Minister Narendra Modi-i linük asem- Germany, Spain aser Russia semdangtsü.
Modi-i Germany aser Spain linüktemji tesentaktep akangshitsü atema semdangtsü aser Russia semdangbaji St Petersburg International Economic Forum (SPIEF) atema lir, ta osang ka ajanga ashi.
St Petersburg nung June 1-3 tashi SPIEF alitsü aser iba nung alima tesem balala nungi shishilembabaren lennir meyirjang aika adentsü. Iba nung sentong nung adenertem ang Modi-i India nungi arua shishilemba asütsü atema jaoktsü, ta osang ajangasa shisem.
SPIEF mapang Prime Minister Modi-i Russia President Vladimir Putin den ajurutepa senden amentsü imlar.
Senden nung shishilembbaren, defence aser nuclear cooperation indang onüktem benoka lemsateptsü.
India aser Russia tsüngda tang Kudankulam Nuclear Power Plant (KNPP) nung units 5 & 6 atema General Framework Agreement (GFA) ka agitsü maparen inyakdar.
Germany nung Modi-i Chancellor Angela Merkel den ajurutepa senden amentsü aser iba nung Strategic Relations indang onük tongti süa jembitsü.
Küm ana tsüngda Modi-i tang agi tanabenbuba atema Germany semdangtsü. April 2015 nung pai Germany semdanga liasü. Iba mapang India ya Hannover Fair nung ‘Partner Country’ liasü. 2015 October ita nung Merkel-ia India semdang.
May 31 nü Prime Minister Modi-i Spain semdangtsü aser iba mapang infrastructure aser energy onüktem jembitsü.
Linük asem semdangba sülen Modi-i Kazakhstan semdangtsü. Iba mapang pai June 7-8 tashi Astana nung Shanghai Cooperation Organisation (SCO) senden nung adentsü.
SCO summit nung Pakistan Prime Minister Nawaz Sharif-ia adentsü imlar. SCO nung Russia, China, Kazakshstan, Kyrgyzstan, Tajikistan aser Uzbekistan dena lir.