Guwahati, January 16 (Agencies) : January 19, 2016 nü Prime Minister Narendra Modi-i Assam nung BJP atema nüboyimba sentong tenzüktsütsü aser iba kasa mapang pai National Knowledge Network ajanga north east state ti nung centrally-funded educational institutes kaketshirtem den o jembitsü.
North East state ti nung centrally-funded educational institutes rongnung NITs 9, central universities 9, IIITs 2 aser IIT o IIM ka ka lapoka lir.
Taruba hopta Modi-i Assam semdangtsü aser idangji pai youth rally ka nung o jembitsü aser Assam asoshi IIIT ka yanglutsü atema lung azünga yutsütsü. Ita pezü lir külen Assam nung assembly elections agitsü.
2014 aser 2015 nung PM Modi-i Teachers’ Day nung kaketshirtem den sensaksemba mapang liogo, ajisüaka Northeast nung higher education kaketshirtem kija den sensaksembaji tan mezüng asütsü, ta HRD Ministry osang ka ajanga metetdaktsü.
Taoba Bodbarnü Modi-i HRD ketdangsertem den ajurutepa northeastern region nung kaketshirtem asoshi parnoki inyakba maparen indang osang metetpelaogo.
January 19 nü pai IIT-Guwahati nung ghonda ka shi kaketshirtem den o jembitsü. Iba mapang tanüngba Northeast state nungi centrally-funded institution nungi kaketshir 20,000 kati TV (Doordarshan) aser internet (National Knowledge Network) nung live reprangtsü, ta ketdangser kati metetdaktsü.
You must be logged in to post a comment Login