New Delhi, July 3 (Agencies) : Prime Minister Narendra Modi-i July 5 nü Council of Ministers nung nübo shimshitsü ta osang kar ajanga metetdaktsü. Iba mapang minister tasen kar anioktsü aser tang lemzüka aliba mapalem melenshitsü akok ta imlar.
Hokolbarnü PM Modi-i ghonda 5 tashi senden ka amen aser iba mapang par Cabinet nung department 42-i mapa inyaka arubatem pai reprangshim.
Modi-i par minister temi koba tashi mapa inyak ta asüba metettsü atema iba senden jatepa amen ta osang ka ajanga metetdaktsü.
Senden nung Modi-i minister tem dang, schemes aser projects inyaktsü atema mapang meindoktsü tayongzükba agütsü.
July 5 nü senior minister tem indang portfolios melentsü akok aser minister tasentem kar anioktsü.
BJP nung ketdangpurtem mapa melenshiba mapang ka nung külemi Modi-ia Cabinet menden melenshiba mapa inyaker asütsü, kechiyong Amit Shah-ia July ita mezüng hopta nung par telok yanglushitsü akok ta ajiteter.
You must be logged in to post a comment Login