Modi-i komaser demonetisation apitetar mejangjar: Rahul Gandhi

Mumbai, September 09 (Agencies): Demonetisation tamakok anguba nung ajemdaker Congress tatong Tir, Rahul Gandhi-i Ato kilonser, Narendra Modi aija, Modi mejungjang nung demonetization komaser apitetar mejangjar, ta ashi.
Mumbai nung lokti senden ka nung jembidang Rahul Gandhi-i, “Modi melungjang nung demonetisation komaser apitetar shingaia memetet. RBI-i memetet, economist tongti-i memetet aser Raguhuram Rajan (taoba RBI tongti)-ia memetet,” ta ashi.
“Mesüra Modi-i senpak 500 aser 1,000 notes tejenba indang design ji maginü asütsüa akok,” ta paisa ashi.
Rajul-i ashiba agi, nüburtemi Ato kilonser dak tamaang kaa liasü, kechiyong demonetization atema telemtetba agibaji odangbo masütsü ta bilem.
Ato kilonseri demonetization ji black money anema lir ta jembiba dak sendakba nung Rahul-i, black money shilem 90 shibo ali, hon, kiojen aliba nung indokba den Swiss bank tem nung rizünga lir, ajisüaka pai black money tanüngba shilem 10 ji anemaji inyak, ta ashi.
“Demonetisation takok angubaji- Modi-i India nunger auertem ajak indang black money agi white money kümtsü,” ta paisa ashi.
BJP-i aniba sorkari Industralist nisung 50-60 shi atema dang inyaktsür, saka aluyimertem atemabo mebilemtsür, ta paisa ashi.
Iba lokti senden metenzükdang Rahul Gandhi-i Erandeshwar nung aluyimertem den jembia liasü aser Parbani nunga shishilembartem den GST indang jembia liasü.