Modi-i Manmohan den tasoba anogo salem lemsatep

New Delhi, September 26 (Agencies): Mongulbarnü Prime Minister Narendra Modi-i Manmohan Singh den tasoba anogo salem lemsatep aser arishi dalang moajang ta metetdaktsü.
“Taoba Prime Minister Manmohan Singh den tasoba anogo salem lemsateper. Pa nem arishi aser anema aliba taküm moajang” ta Modi-i Twitter nung ashi.
Manmohan ya Mongulbarnü arishi küm 85 ajung aser pa ya 2004 aser 2014 tsüngda India Prime Minister inyak. Iba ya United Progressive Alliance (UPA) kümsük nung liasü.
Jawaharlal Nehru sülenbo kümsük tanaben atonga Prime Minister inyaksangji Manmohan dang lir. Maneni pa ya mezüngbuba non-Hindu Prime Minister liasü.
1991 küm asür Prime Minister PV Narasimha Rao kübok Manmohan ya Finance Minister shima inyak. Iba kasa küm Manmohan-i India rongsenkettsüng nung “liberalisation aser privatisation” bener aruba nung yaritep.
Manmohan ya 1932 küm Gah yimtsüng nung aso. Iba yimtsüng ya tang Pakistan kübok Punjab province nung Jhelum district nung lir.