Modi-i Mizoram nunger den salem lemsatep

Aizawl, February 20 (Agencies) : Honibarnü Prime Minister Narendra Modi-i Mizoram nunger den ‘statehood day’ salem lemsatepogo.
“Mizoram nunger ajak dangi statehood day salem osang abener. Tarutsü anogotem nung Mizoram jenjang temaba tongdakjang ta moatsür” ta Modi-i sangdong ka nung metetdaktsü.
Ajisüaka, Honibarnü Mizoram nung statehood day tenüng nung official function kecha maliasü.
Mizoram ta mezüngbo Assam kübok shilem ka liasü aser 1972 küm union territory ka ama züngok. Bangladesh aser Myanmar den kilometre 828 agi arrtsüa aliba Mizoram limaji February 20, 1987 nü India nung state 23 buba aküm.

You must be logged in to post a comment Login